FYRSTI M-BÍLLINN SEM ER EINGÖNGU RAFKNÚINN

Örvar skilningarvitin: BMW i4 M50 skilar 544 hestöflum (400 kW) með tveimur BMW M eDrive-vélum í Sport Boost-stillingu og algjörlega nýrri akstursupplifun með ýmiss konar tækni sem er sérstaklega gerð fyrir M. Hún einkennist af samfelldri hröðun úr 0 í 100 km/klst. á 3,9 sekúndum, spennuþrungnum aksturseiginleikum með þeirri nákvæmni sem einkennir BMW M og öflugu aksturshljóði sem knúið er af BMW M IconicSounds Electric. Hún er svo undirstrikuð enn frekar með M Aerodynamics-pakkanum sem er staðalbúnaður og M Technology-pakkanum sem er í boði sem aukabúnaður. Sérhannaðir Cerium-gráir hlutar og einkennandi M-búnaður, frá lokuðu tvískiptu M-grillinu yfir í M-vindskeiðina að aftan, fullkomna svo þróttmikið útlitið. Í innanrýminu mótast nútímalegt umhverfið af nýja sveigða BMW-skjánum sem hallast í átt að ökumanninum og nettu mælaborðinu. M-einkenni á borð við M-sportsæti fyrir ökumann og farþega í framsæti eða M-stýri með áherslusaumum í M-litunum ljá bílnum sportlega ásjónu.

BMW i4 M50 býður upp á skemmtilegan akstur og mikið af sportlegum búnaði. BMW M Performance-búnaður gerir þér kleift að hámarka kraftmikið útlit BMW i4 M50 og gefa bæði ytra byrðinu og innanrýminu akstursíþróttayfirbragð. BMW-aukahlutir uppfylla svo allar þínar sérkröfur. Í boði eru viðbætur og aukabúnaður, sem bjóða að sjálfsögðu upp á gæði, hönnun og afköst sem hæfa þessum rafknúna sportbíl fullkomlega, og sem henta þér sérstaklega – hvað sem þú hefur í huga.